Este é un blog de orientación educativa e académico-profesional para consulta da comunidade educativa. Para orientarte neste blog, tes que seguir as categorías que están á dereita e premer na que che interese.
Do blog da compañeira orientadora Mónica Diz Besada, comparto esta excelente compilación de recursos para elaborar as normas de aula. Material moi útil para o profesotado-titor no inicio do curso.
No blog aulapt.org atoparás unha serie de rexistros para distintos cursos de primaria e secundaria nas materias de Inglés, Matemáticas, Lingua Castelá, Ciencias Sociais e Ciencias Naturais. De utilidade para as avaliacións iniciais. Tes, ademáis, entre outra documentación interesante, diversos modelos de ACI que se axustan á LOMCE en Ciencias Naturais, Ciencias Sociais e Lingua Castelá.
Indicadores para o diagnóstico e orientacións para o tratamento da disgrafía (trastorno da escritura). A información inclúe un artigo en pdf para descargar.
O seguinte "Storify", elaborado polo orientador Alberto del Mazo, recolle todos os recursos para a acollida do novo alumnado ao inicio do curso recopilados co "hashtag" #orientaacogida en twitter.
Breve entrevista a un dos grandes expertos en educación de España, Jurjo Torres, Catedrático de Universidade de Didáctica e Organización Escolar na Universidade da Coruña publicada o 24 de setembro de 2015. Por enriba do seu impresionante currículum destaca a súa enorme humanidade e o feito de ser un dos grandes activistas sociais por unha educación mellor e máis xusta. Nela aborda cuestións de grande interese sobre a educación no momento actual: a necesidade de revisar os contidos que se imparten ao alumnado, a importancia de empregar múltiples fontes de información na aula en lugar do libro de texto, o traballo por proxectos, como facer para que alumnos e alumnas se convirtan en cidadánas críticos, ... A partir do minuto 13:09 aborda a inxustiza que supón o agrupamento do alumnado en "bos" e "malos", medida que considera segregadora e contraria aos principios da convivencia democrática. Paga a pena escoitalo!!!
Facendo clic na imaxe accederás a unha amplia variedade de probas de avaliación inicial para infantil, primaria e secundaria. O repertorio inclúe tamén probas para o alumnado con necesidades educativas especiais e alumnado inmigrante.
Web do Departamento de Orientación do IES Bartolomé J. Gallardo adicada ás actividades de titoría. Presenta unha amplia variedade secuenciada por cursos e trimestres.