Que son as Escolas Oficiais de Idiomas (EOI)?
Son centros docentes públicos para a aprendizaxe de idiomas e para a súa práctica. Nelas foméntase especialmente o estudo das linguas oficiais dos estados membros da Unión Europea, das linguas cooficiais existentes en España e do español como lingua estranxeira. Así mesmo, facilítase o estudo doutras linguas que por razóns culturais, sociais ou económicas presenten un interese especial. As ensinanzas de idiomas forman parte, dentro do sistema educativo, das ensinanzas de réxime especial.
Matrícula:
Pódese matricular nunha EOI calquera persoa que teña 16 anos cumpridos no ano en que comece os estudos, se se trata da 1ª lingua estranxeira cursada na ESO; ou 14 anos, no caso das restantes linguas.
Idiomas:
Nas EOI de Galicia pódense estudar ata once linguas: alemán, árabe, chinés, español paa estranxeiros, francés, galego, inglés, italiano, portugués, ruso e xaponés.
Plan de estudos:
Organízase en 3 niveis.
- Básico (dous anos; tres no caso do chinés e do xaponés)
- Intermedio (dous anos; tres no caso do árabe, do chinés e do xaponés).
- Avanzado (dous anos).
Certificación:
Ao remate de cada nivel hai que superar unha proba de certificación, que dá dereito á expedición do certificado oficial correspondente:
- Certificado de nivel básico (nivel A2 do Marco Europeo Común de Referencia para as Linguas (MCERL).
- Certificado de nivel intermedio (nivel B1 do MCERL.
- Certificado de nivel avanzado (nivel B2 do MECRL).
Réximes:
As persoas que queiran estudar nunha EOI teñen varias opcións:
- Réxime oficial, no que se poden cursar os estudos nunha destas modalidades:
- Presencial, con tres sesións de 90 minutos por semana na EOI.
- A distancia, só no caso do inglés, por medio do programa "That's English!"
- Réxime libre, para que as persoas non escolarizadas nunha EOI poidan obter os certificados dos distintos niveis mediante a superación das probas de certificación.
Acceso con coñecementos previos do idioma:
As persoas con coñecementos previos da lingua poderán acceder a un curso distinto do primeiro de nivel básico, como alumnado oficial, por medio de:
- Proba de clasificación: avalían os coñecementos da lingua para dar acceso ao curso que corresponda, segundo os resultados da proba.
- Acceso directo por titulación: as instrucións de matrícula establecen cada ano as titulacións ou os certificados de coñecemento do idioma que dan acceso a cada curso.
- Título de bacharelato: permite acceder directamente ao primeiro curso de nivel intermedio na primeira lingua estraneira cursada no bacharelato.
Ademais dos estudos regrados, as escolas oficiais de idiomas ofertan outros cursos de actualización e perfeccionamento en idiomas:
- Cursos de actualización lingüística e comunicativa (CALC) para o profesorado.
- Cursos para sectores profesionais (audiovisual, comercio, turismo, medio mariño, etc).
- Cursos preparatorios para as probas CELGA.
- Cursos de linguaxe administrativa galega de nivel medio e superior.
- Outros cursos de formación do profesorado en colaboración cos centros de formación e recursos (CFR), e o Centro Autonómico de Formación e Innovación (CAFI).
EOI en Galicia:
Na actualidade hai once escolas oficiais de idiomas, das que ademais dependen 20 seccións, nas catro provincias galegas.
- EOI da Coruña. http://www.edu.xunta.es/centros/eoicoruna
- Sección de Carballo (Pazo da cultura).
- Sección de Cee (IES Fernando Blanco).
- Sección de Culleredo (IES Universidade Laboral).
- EOI de Ferrol. http://www.edu.xunta.es/centros/eoideferrol
- Sección de Ceeira (IES Punta Candieira).
- EOI de Santiago de Compostela. http://www.eoisantiago.org
- Sección de Negreira (IES Virxe do Mar).
- Sección de Ordes (IES Nº 1).
- Sección de Ribeira (IES Nº 1).
- Sección de Santiago (IES do Sar).
- EOI de Lugo. http://www.edu.xunta.es/centros/eoilugo
- EOI de Monforte de Lemos. http://www.edu.xunta.es/centros/eoimonforte/
- EOI de Ribadeo. http://centros.edu.xunta.es/eoideribadeo/
- EOI de Viveiro. http://www.edu.xunta.es/centros/eoideviveiro/
- EOI de Ourense. http://centros.edu.xunta.es/eoideourense/eoiou/index.php?action=index
- Sección do Barco de Valdeorras (IES Lauro Olmo).
- Sección do Carballiño (IES Manuel Chamorro Lamas).
- Sección de Verín (IES García Barbón).
- EOI de Pontevedra. http://www.edu.xunta.es/centros/eoipontevedra
- Sección da Estrada (IES Antón Losada Diéguez).
- Sección de Lalín (IES Ramón Mª Aller Ulloa).
- Sección de Pontevedra (IES Valle-INclán).
- EOI de Vigo. http://www.eoidevigo.org
- Sección de Cangas (IES de Rodeira).
- Sección de Nigrán (IES Escolas Proval).
- Sección de Ponteareas (IES Val do Tea).
- Sección de Tui (IES San Paio).
- Sección de Vigo (IES Alexandre Bóveda).
- EOI de Vilagarcía de Arousa. http://www.edu.xunta.es/centros/eoivilagarcia/?q=gl/node/40
Para máis información, accede ás seguintes ligazóns:
Fontes: Web da Consellería de Educación
No hay comentarios:
Publicar un comentario